ДУМБУЛ
Tasnif: Бу сифат ТжРСга шу шаклидан дунбул шаклига ҳавола билан киритилган, маъноси 'пишган', 'етилган' деб изоҳланган (139).
ЎТИЛга думбул шаклида киритилиб, маъноси 'етилиб пишмаган' деб изоҳланган (I, 236). Товуш таркибида н товуши м товушига алмашгани тўғри; лекин икки луғатда маъноси жиддий фарқ билан изохлангани ажабланарли. Бу сифатга ЎТИЛда берилган маъно таърифини тўғри дейиш лозим.