ЙОЛҚИН
Tasnif: ’аланга’, ’йаллиғ’. Шох ўтиннинг .. й о л қ и н и қорайган кўчага шуъла сочмоқда (Парда Турсун). Бу от қадимги туркий тилдаги ’ён-’, ’аланга ол-’ маъносини англатган йал- феълининг (Девон, III, 70) кучайтириш маъносини ифодаловчи -қы қўшимчасини олган шаклидан -н қўшимчаси билан ясалган (ЭСТЯ, IV, 107); ўзбек тилида а унлиси â унлисига алмашган, ы унлисининг қаттиқлик белгиси йўқолган: (йал- + қы = йалқы-) + н = йалқын > йâлқин.