ЙОРЛИҚ
Tasnif: ’ваколат ҳужжати’, ’бирор нарса ҳақида маълумот берувчи ҳужжат’. Тўранинг хондан икки юз таноб ерга ё р л и к, олгани бежиз эмас (Жуманиёз Жабборов). Бу сўз қадимги туркий тилдаги ’хабар’ маъносини англатган йар отидан (ЭСТЯ, IV, 18) -лык қўшимчаси билан ясалган (ЭСТЯ, IV, 19), кейинроқ ғ ундоши қ ундошига алмашган (ПДП, 385; КРС, 235); ўзбек тилида а унлиси â унлисига алмашган, ы унлисининг қаттиқлик белгиси йўқолган: йар + лык = йарлыкғ > йарлығ > йâрлиқ.