ЙЎТАЛ
Tasnif: ’нафас олиш аъзолари касаллангани натижасида ҳаво оқимини куч билан бўлиб-бўлиб чиқар-’. Домла й ў т а л д и ва йўталнинг зўридан қизариб кетди (Парда Турсун). Бу сўз қадимги туркий тилдаги ’турли товуш ҳосил қил-’ маъносини англатган öт- феълига (ДС, 391) ’ўзлик’ маъносини ифодаловчи —(ӱ)л қўшимчасини қўшиб ҳосил қилинган (ЭСТЯ, I, 557), кейинчалик сўз бошланишига й ундоши қўшилган (ДС, 277); ўзбек тилида иккинчи бўғиндаги ӱ унлиси ä унлисига алмашган, ö унлисининг юмшоқлик белгиси йўқолган: (öт- + ӱл = öтӱл- > й + öтӱл- = йöтӱл- > йöтäл-> йотäл-.