ҚАЙТАР
Tasnif: 'маълум нуқтага боргандан кейин уни ўзи ҳаракат бошлаган нуқтага йўналтир-'. Гулнор боғда ишлашга югурар экан, Гулсумбиби қайтарди (Ойбек). Қадимги туркий тилда ҳам шундай маънони англатган бу сўз (Девон, III, 210) асли 'маълум нуқтага бориб, кейин ўзи ҳаракат бошлаган нуқтага йўнал—' маъносини англатувчи қайт— феълининг —(а)р орттирма қўшимчаси қўшилган шаклига тенг; кейинчалик ўзбек тилида а унлилари ä унлиларига алмашган: қайт— + ар = қайтар— > қäйтäр—. ДСда бу сўз қай— феълининг орттирма шакли деб, яъни —тар қўшимчаси билан ҳосил қилинган деб кўрсатилган (ДС, 408: қайтар- побуд. от цай- I).