ҚАЛЛИҚ
Tasnif: унаштирилган қиз (бўлажак куёвга нисбатан)', 'энди турмуш қурган жувон'. Абдуваҳоб бўлса .. қора кўз қаллиқчаси билан чиқиб, экин экади (Ш.Тошматов). Бу сўз асли қалынлық тарзида талаффуз қилинган бўлиб, 'қалин бериб, унаштириб қўйилган қиз' маъносини англатган (КРС, 334: қалындык II); кейинчалик ўзбек тилида бу сўз таркибидаги ын товушлари талаффуз қилинмай қўйган, а унлиси ä унлисига алмашган, ы унлисининг қаттиқлик белгиси йўқолган: қалы + лын = қалылық > қаллық > қаллиқ. Бу сўз ўзбек тилида қайлиқ тарзида ҳам талаффуз қилинади (Бу сўзнинг шундай шакли қирғиз тилига ҳам ўзлашган: КРС, 320).