ҚОПЛОН
Tasnif: мушуксимонлар оиласига мансуб, териси хол-хол, йирик сутэмизувчи йиртқич ҳайвон'. Ҳозирги кунда қоплонни фақат ҳайвонот боғида кўриш мумкин. Қадимги туркий тилда ҳам шундай маънони англатган бу от асли қаплан тарзида талаффуз қилинган (ДС, 421: қаплан 'тигр'). А.М.Шербак бу сўзни қўшма сўз деб талқин қилиш тарафдори (арслан сўзини ҳам қўшма сўз деиди); унинг фикрича, бу сўзнинг иккинчи қисми ' ҳайвон' маъносини англатувчи ақ сўзи билан ифодаланган; бу сўзнинг биринчи қисмини эса сифат деб қарашга тарафдор; лекин қапыл сифати манбаларда акс этмаган ва бу сифатнинг маъносини А.М.Шербак мен учун номаълум дейди (ИРЛТЯ, 138). Назаримизда, қаплан сўзи сома сўз бўлиб, қадимги туркий тилдаги ' маҳкам ушла—1, ' уғринча бос—' маъноларини англатган қап— феълининг кучаитириш маъносини ифодаловчи —ла қўшимчаси қўшилган шаклидан —н қўшимчаси билан ясалган; кейинчалик ўзбек тилида а унлилари â унлиларига алмашган: (қап— + ла = қапла—) + н = қаплан > қâплâн.