ҚУРУТ
Tasnif: сузмани юмалоқ шаклда қуритиб тайёрланадиган маҳсулот'. Шу кеча унга бошпана бериб, нон, тутмайиз, қ у р у т, айрон билан меҳмон қилдилар (Собир Абдулла). Қадимги туркий тилда ҳам шундай маънони англатган бу от 'суви, нами қочиб, қуруқ ҳолатга кел-' маъносини англатувчи қуры- феълидан (ДС, 468) -т қўшимчаси билан ясалган; қўшимча қўшилганидан кейин қадимги туркий тилдаёқ иккинчи бўғиндаги ы унлиси у унлисига алмашган: қуры- + т > қурут (Девон, I, 338; ДС, 470).