АРАҚ
Tasnif: Бу арабча сўз ъaraq(un) шаклига эга бўлиб
(АРС, 511), ўзбек тилига фатҳали айн товушини а
товушига алмаштириб қабул қилинган: ъaraq -> арақ. Бу сўз асли 'тер чиқарди' маъносини англатувчи ъaraqa феълининг I боб масдари бўлиб (УАЯ, 568), араб тилида асли 'тер' маъносини англатади; кейинчалик 'ўткир спиртли ичимлик' маъносини ҳам англата бошлаган(АРС, 511). Ўзбек тилига кейинги кўчма маъноси билан олинган (ЎТИЛ, I, 51). ПРСда (344) бу сўз уч маъноли деб изоҳланган: 1) пот, 2) водка, 3) отгон, дистиллянт. Кўриниб турибдики, асли 'тер' маносини англатувчи сўз 'ҳайдаш йўли билан тозаланган сув' маъносини, кейинчалик 'ўткир спиртли ичимлик маъносини ҳам англатишга хизмат қилдирилган.