АССАЛОМУ АЛАЙКУМ
Tasnif: Салом берувчи айтадиган бу арабча бирикманинг биринчи аъзоси ал аниқлик артикли билан (АРС, 536) ишлатилган салом сўзининг (қ.) бош келишик шакли бўлиб, бу икки қисм ўзбек
тилида қўшиб ёзилади; араб тили қоидасига биноан ал артикли таркибидаги л товуши алмашади (АТГ, 23): ал салому —> ассалому. Бу сўз, худди салом сўзи каби, тинчлик-омонлик' маъносини англатади; демак, ассалому алайкум бирикмаси 'Сизга тинчлик-омонлик
(тилайман)' маъносини билдиради (ЎТИЛ, I, 60). Бу бирикма сўзлашув нутқида ал артиклини ва салому сўзи охиридаги келишик қўшимчасини ташлаб салом алайкум шаклида ҳам ишлатилади (ЎТИЛ, I, 37). [Алайкум сўзи ўз ўрнида изоҳланди].