МАГАЗИН
Tasnif: Бу арабча сўз maxazinu шаклига эга
(АРС, 219); бу сўз рус тилига х ундошини г ундошига, чўзиқ а унлисига а унлисига алмаштириб, сўз охиридаги u қисмини ташлаб қабул қилинган, кейинчалик ўзбек тилига шу шаклида олинган: maxazinu -» магазин; асли 'тўплади', 'сақлади' маъносини англатувчи xazana феълидан (АРС, 219) ясалган maxzan(un) ўрин отининг кўплик шакли бўлиб (УАЯ, 238, 239), араб тилида 'омбор', 'ҳар хил моллар билан савдо қилувчи дўкон' каби маъноларни англатади (АРС, 219), ўзбек тилида кейинги маънони англатишга хизмат қилади (ЎТИЛ, I, 438). Бу сўздан ўзбек тилида магазинчи оти ясалган.