МАЛОҲАТ
Tasnif: Бу арабча сўз malāhat(un) шаклига эга
(АРС, 764); ўзбек тилига чўзиқ ā унлисини â унлисига, ҳойи ҳутти ундошини ҳ ундошига алмаштириб қабул қилинган: malāhat —> малâҳат (малоҳат); асли 'ёқимтой бўлди' маъносини англатувчи maluha2 феълининг (АРС, 764) I боб масдари бўлиб (АТГ, 143), 'ёқимтойлик' маъносини англатади (ЎТИЛ, I, 444). Бу сўз ўзбек тилида аёл кишининг атоқли оти сифатида ҳам ишлатилади.