МАШШОҚ
Tasnif: Бу арабча сўз maşşāq шаклига эга (ПРС, 496); ўзбек тилига чўзиқ ā унлисини â унлисига алмаштириб қабул қилинган: maşşāq —» машшâқ (машшоқ); кўпмаъноли maşaqa феълининг 'таради' маъноси асосида (АРС, 756) ясалган касб оти бўлиб (УАЯ, 240), форс тилида 'машқ қилдирувчи' маъносини (ПРС, 496), тожик тилида 'бирор ишни моҳирлик билан амалга оширувчи' маъносини ва шу маъно асосида юзага келган 'уста чолғучи' маъносини (ТжРС, 220) англатади; ўзбек тилида 'уста чолғучи' маъноси билан ишлатилади (ЎТИЛ, I, 453).