МАЪРУЗА
Tasnif: Бу арабча сўз maъrudat(un) шаклига эга
(АРС, 509); ўзбек тилига сукунли айн ўрнига ъ (айириш) белгисини қўйиб, чўзиқ и унлисини у унлисига, дзад товушини з товушига алмаштириб, сўз охиридаги t товушини ташлаб қабул қилинган: maъradat -> маъруза. Бу сўз асли ъarada феълининг 'баён қилди' маъноси билан (АРС, 508) ҳосил қилинган I боб мажҳул нисбат сифатдошидан (АТГ, 148) -at(un) қўшимчаси билан ясалган от бўлиб (УАЯ, 500), араб тилида 'кўргазмага қўйилган', 'таклиф қилинган' (нарса) маъносини англатади (АРС, 509). Бу сўзга ўзбек тилида 'доклад' маъносини англатиш бириктирилган (ЎТИЛ, I, 455). Маъруза сўзини 'лекция' маъносини англатиш учун ишлатиш ўринли эмас. Ўз6ек тилида маъруза сўзидан маърузачи оти ясалган (Бу сўз тожик тили луғатига ҳам киритилган:( ТжРС 222).