МУНОФИҚ
Tasnif: Бу арабча сўз munāfiq(un) шаклига эга
(АРС, 821); ўзбек тилига чўзиқ ā унлисини â унлисига алмаштириб қабул қилинган: munāfiq- мунâфиқ (мунофиқ); 'икки юзламалик қилди' маъносини англатувчи nafaqa феълининг III боб шаклидан (АРС, 821) ҳосил қилинган аник, нисбат сифатдоши бўлиб (АТГ, 249), 'икки юзламачи', 'носамимий' маъносини англатади (ЎТИЛ, I, 480). Бу сўздан ўзбек тилида мунофиқлик мавҳум оти ясалган.