ИЛИҚ
Tasnif: ’шаҳвоний ҳирсга берил-’. Шу кунларда бир жононга и л и қ и б юрган эмишсан. Бу сўз ил- феълининг ыл- шаклидан (’боғлан-’ маъносидан) -ық ’ўзлик’ нисбати қўшимчаси билан ҳосил қилинган (ДС, 218); ўзбек тилида ы унлиларининг қаттиқлик белгиси йўқолган: ыл- + ық = ылық- > илиқ-. Бу сўз асли қадимги туркий тилда умуман ’бузил-’, ’расво бўл-’ маъносини билдирган (ДС, 218), кейинчалик маънода торайиш воқе бўлиб, ’шаҳвоний бузил-’ маъносини англата бошлаган.