АНДИША
Tasnif: Бу от ПРСда [андише] шаклида келтирилиб, "мысль, идея; забота, беспокойство, опасение" маънолаларини (43), ТжРСда андиша шаклида келтирилиб, "мысль, дума, размышление, раздумье; сомнение, опасение, страх, боязнь" маъноларини (27) англатиши айтилган. ЎТИЛда [ф-т] таъкиди билан андиша шаклида келтирилиб, 'кетини, оқибатини
ўйлаб ёки юз-хотир қилиб юритилган мулоҳаза; эхтиёткорлик; шарм-ҳаё, ор-номус, уят' маъноларини англатиши айтилган (47).Ўзбек тилига бу от тожикча андеша шаклининг иккинчи бўғинидаги э(е) товушини и товушига алмаштириб олинган. Андиша оти асли "размышлять, раздумываться, задумываться" маъносини англатадиган форсча [äндишидан] (ПРС, 43), тожикча андешидан (ТжРС, 27) феълининг андиш \
андеш хозирги замон асосига -а қўшимчасини (ТжРС, 543) қўшиб хосил қилинган, шунга кўра 'юз-хотир қилиб, оқибатини ўйлаб бирор сўзни айтишдан, бирор ҳаракатни амалга оширишдан тийилаш' маъносини англатади. Ўзбек тилида бу от билан андишали, андишасиз сифатлари,
андиша қил- феъли, андишага бор- ибораси тузилган.