МАЙНАБОЗЛИК, МАЙНАБОЗЧИЛИК
Tasnif: Бу отлар 'чуғурчиқсимон сайроқи қуш' маъносини англатадиган майна отига 'шуғуллан-', 'ўйна-' маъносини англатадиган тожикча бохтан феълининг (ТжРС, 82) боз ҳозирги замон асосини (ТжРС, 75) қўшиб ҳосил қилинган майнабоз сифатига ўзбекча -лик, -чилик қўшимчасини қўшиб ясалган бўлиб,
'енгилтаклик, юзакичилик билан айтилган гап, қилинган иш' маъносини англатади (ЎТИЛ, I, 442). Ўзбек сўзлашув тилида бу от товуш ўзгаришларига учраб, майнавозлик, майнавозчилик тарзида айтилади.